मुक्तपक्षी चारोळी भाग क्रमांक - 30

                              अंतरंगातून सहज सुचलेल्या माझ्या चारोळ्या ............ कैलास मांडगे

भावनांचा धागा अलवार क्षणांचा 
      वारा चाहूल देतो तुझी येताना 
          परसदारी प्राजक्ताचा गंध दरवळला 
               कळेल कधी तुला , भाव मनातला ~~~~

धडा भूगोलाचा वाचतांना 
     अंतरीचा विझला चांदोबा 
          जरा मोजता खगोल तारा 
              गजरा सुगंधाविन कोमजून गेला ~~~~

स्वच्छ नितळ पाउल टाक 
     तरारणारया रोपट्यासारखे 
         फुलू दे निर्व्याज मनीचा श्रावण 
                मनाची कवाडं नकोत काहुरलेले ~~~~

सतत स्वप्न बघावे असेच ना 
       कधी उन्हाळा तर कधी हिवाळा 
           जाणवते कधी झरणारी सारंगधारा 
               आनंद देते तेव्हा जगण्या पलीकडचा ~~~~

             
         डवरला घाम तुझ्या भाळावर 
                जागल्या चेतना मधुगंधात 
                    स्वैर शहारे अंगप्रत्यंगावर 
                        गंध भुलवीतो श्वासा श्वासात ~~~~

राधे __/|\__ कृष्ण                                                                                    !! श्री स्वामी समर्थ !!

                                                           कैलास मांडगे