मुक्तपक्षी - १

हृदयाच्या पिज-यात बंदिस्त करून ठेवलेल्या आठवणीच्या पक्षाला आपण मुक्तउडू दिले तर ?...

 आणि त्याला मुक्त उडताना पाहून मिळणा-या समाधानात आनंदमिळवण्याचा प्रयत्न केला तर ?... 

 ठरवले तर सहज शक्य आहे.

अंतरंगातून सहज सुचलेल्या माझ्या चारोळ्या ............ कैलास मांडगे ....

 मैत्री  तुझी माझी 
   न बोलता खूप काही सांगणारी 

      मनसोक्त गंधाळणारी

        अंतरी प्राजक्त फुलवणारी                                    

           निवांत आता चांदणे पांघरु 

       संकोच नको आता बहरताना 

    नको पापण्या खाली झुकवू 

मिठीत खुदकन हसतांना~~~~ 

 गालावरून ओघळलेल्या सरींनी 

   अजूनही ओंजळ भरलीय 

     शहारेल निळाईत अंग जेव्हा 

  

        ओंजळ रिती करेन तेव्हा ~~~~

मैत्री पूर्ण तुझ्याशिवाय नाही 

  दुरावा हा सहन होत नाही 

    का जाणे अंतरास ठाऊक 

        मन मोकळं व्हायला क्षण नाहीत ~~

         मी तर तुझ्यातच 

      दूर नाही आसपासच 

    न सरणाऱ्या मोहक क्षणी 

  नजर पोहोचणार नाही असा

सामावलोय  क्षितिजाच्या अलीकडे ~~