रेडिओ -- मंदाकिनी रासकर

रेडीओ

                         सौ. मंदाकिनी रासकर 

       पुर्वीच्या काळी मनोरंजनाचे साधन म्हणून सर्वसामान्य लोकांचा फक्त रेडीओ वरच जास्त भर असायचा .

रेडीओ सर्वांनाच खुप प्रिय असायचा . टी . व्ही . फक्त एखाद दुसऱ्या चांगल्या सधन कुटुंबांमध्येच असायचा . ज्यांच्या घरात टी . व्ही . ते लोकं खुप श्रीमंतामध्येच गणले जायचे . मला चांगले आठवते मी लहान होते तेंव्हा टी . व्ही . वर सिनेमा पहायचा असेल तर ज्यांच्या कडे टी . व्ही . असेल त्यांच्या कडे आम्ही मैत्रिणी 25 पैसे एकीचे देऊन अर्धा सिनेमा पहायचो आणि पुन्हा जर घरच्यांनी सोडले तरच पुढचा अर्धा सिनेमाही 25 पैसे देऊन पहायचा . तेंव्हा मोजकेच चित्रपट आणि एखादीच मालिका असायची आठवड्यातून . चित्रहार आणि छायागीत खुप आवडायचे . पण तेही एखाद्याच्या घरांत बळच डोकवून पहावे लागायचे . पण रेडीओ मात्र आपला हक्काचा सोबती असायचा आवडता . सकाळपासून ते रात्री झोपे पर्यंत थेट . विविध भारती वरील सर्वच कार्यक्रम खुप छान असायचे . गाणी ऐकता

ऐकता आणि गुणगुणत कामं करायला खुप उत्साह वाटायचा . आठवड्यातून एक दोन वेळा अभिनेत्यांच्या मुलाखती , किंवा सिबाका गीतमाला , बालोद्यान किंवा एखादे सुंदर रोज लागणारे नाटुकले खुप छान वाटायचे ऐकायला . आम्ही अगदी न चुकता कान टवकारून नाटकं ऐकायचो . खुपच छान दिवस होते ते !! अजुनही आठवतात मला . नंतर माझे जेंव्हा लग्न ठरले तेंव्हा मला कळले कि अहमदनगरला विविध भारती लागत नाही . मला खुप वाईट वाटले होते तेंव्हा हे ऐकुन . मी विचार करायचे आता मला कसे करमणार सासरी ? लग्न होईपर्यंत मी मनसोक्त रेडीओ ऐकून घेतला होता . खरंच मुलींना लग्न म्हटलं कि खूप गोष्टींची तडजोड करावी लागते . वातावरणाशी मिळते जुळते घ्यावे लागते लग्नानंतर . त्यात मला हे एक रेडीओचे माझ्या आवडीचे बलिदानच दयावे लागले होते . कालांतराने मी

सासरी रुळले देखील लवकर . हळूहळू विसरही पडला रेडीओचा . पण नंतर बरीच मनोरंजनाची साधने आली . रेडीओवर देखील अनेक वाहिन्या आल्या छान छान . आता विशेष जास्त काहीच वाटत नाही कशाचेच . कारण आता ईतकी साधनं आहेत मनोरंजनाची आणि भरपूर वाहिन्या आहेत . माणसाला एखादी गोष्ट मुबलक प्रमाणात मिळू लागली कि तिची किंमत राहत नाही . तसेच आता रेडीओ आणि टी . व्ही . चेही झाले आहे .
पण तरीही अजुनही मला काम करता करता रेडीओ वरील गाणी ऐकायला खुप आवडते . पण सध्या रेडीओ वरती अर्धा तास जाहिराती आणि त्यात चुकून एखादं गाणं लागतं !! खुप कंटाळा येतो आता रेडीओ ऐकायचा . कोणे एके काळी माझा खुप आवडता असणारा , माझा लाडका रेडीओ आता नावडता होतो कि काय ? असेच वाटू लागले आहे मला . पण असे घडू नये असे

मला मनोमन वाटते . कारण शेवटी कितीही झाले तरीही रेडीओ माझ्या मनांत कायम घर करून राहिलेला आहे .
. . . .
                                   मंदाकिनी रासकर .

 

            राधे __/|\__कृष्ण 

                                 !!  श्री स्वामी समर्थ !!