राधेय

......राधेय .... सुंदर क्षणांना अनुभवतोय नाद अखंड सुखसोहळ्याचा जयघोष जाणतो तव प्रीतीचा राधेय मनी स्वप्न लोचनांचा ~~~~ अश्रुंनी डबडबलेल्या डोळ्यांनी ,तुला शेवटचं ते पहाणं,आपली फुलंलेली बाग ,क्षणात ओसाड होणं ~~~~

Tuesday, September 13, 2016

हेची दान देगा देवा ..... तुझा विसर न व्हावा

हेची दान देगा देवा ..... तुझा विसर न व्हावा

देवा,
जग काळं-पांढरं नसतं. सगळी चांगली माणसं सदासर्वदा चांगली नसतात आणि सगळी वाईट माणसं सरसकट वाईटच नसतात हे कळू दे मला. चांगल्या माणसातलं वाईटपण दिसलं म्हणून त्यांचा चांगुलपणा मी विसरून जाऊ नये आणि वाईट माणसांत दिसलं की चांगलं तर मी त्या चांगल्यावर विश्वामस ठेवून त्याही माणसावर ठेवून पाहीन भरवसा एवढी ताकद दे.! देवा, जे जे चांगलं ते ते मला दिसू दे.कळू दे.आत्मसात करता येऊ दे.!

देवा,
एक शेवटचं मागतो.
मला संत बनवू नकोस.फार अवघड असतं संत होणं.साधुपण निभावणं. मला साधा सामान्यमाणूसच राहू दे. मी माणसासारखाच माणुसकी जपत जगेन.चांगलं-वाईट करताना चुका करेन. पण देवा, एक नक्की कर. मी जर भरकटलोच कधी माणुसकीची वाट सोडून तर मला अशी अद्दल घडव की इतरांनाही कळेल की ‘माणूस’ होण्याची जबाबदारी निभावणं किती महत्त्वाचं असतं ते.! देवा, एवढं दे. जास्त नको.! इतपत दिलंस तरी माझी रोजची जगण्याची लढाई लढेन मी आनंदानं.!
देवारे तुझे काहीच मागत नाही फक्त माझ्यातीलच माझे मिळू दे.........

हेच दान देगा देवा ......... तुझा विसर न व्हावा .............

!! श्री स्वामी समर्थ शरणं मम !! राधे __/|\__कृष्ण

मुक्तपक्षी भाग क्रमांक - 50

अंतरंगातून सुचलेल्या काही चारोळ्या -----

कैलास मांडगे

चमकताना हृदयात वीज
कळ जिव्हारी लागते
किती जागून काढावी रात्र
रांझाच्या हिर ला विसरता न आले ~~~~

चुळबुळणारी संयमी सायंकाळ
मैत्रीचे जुळणारे नाजूक बंध
मनातले सारे मनातच ठेवायचं
शिशिरा नंतरच्या वसंताची वाट पहायचं ~

रिकाम्या गाळलेल्या भावना
तगमग अडखळणारी मध्यान्ह
अंतर्मनास हवा असतो दिलासा
भरतोय नकळत उसासा हृदयात ~~~

कुठे चुकते काहीतरी अडते
नको ती चुणूक दर्शवून जाते
सदाच नको तेथे रेंगाळते
थांब म्हणून कोठे ते ऐकते ~~~

आयुष्यात लोभस तुझी आरास

तुझे नसणे रिते मन भकास

निळ्या नभाचा चांद सांगतोय

तुझ्या नाजूकपणाचा थाट ~~~~

!! श्री स्वामी समर्थ शरणं मम !! राधे __/|\__कृष्ण

कैलास मांडगे

निखळ मैत्री

निखळ मैत्री

प्रेम जेवढे मोहक ...... निखळ मैत्री त्याही पेक्षा सुंदर आणि आयुष्यमान-----

सऱ्याबद्दल तुमच्या मनातील भावना व्यक्त करणे आवश्यक आहे.
‘आय लव्ह यू’ मला तुझी काळजी वाटते, ‘मला तुझा अभिमान वाटतो’ असे काही शब्द खरंच जादू करतात.

इथे माणसे झपाटली जातात .प्रेम काय मोजून मापून करायची गोष्ट आहे ?? धबधब्यासारखे कोसळायचे आणि सर्व देवून रिते व्हायचे ज्यांना जमेल त्यांनीच यात हात घालावा .
खरे सांगायचे तर जेव्हा दोघात तिसरा नसतो न तेव्हा प्रश्नच नसतो…
जात, धर्म , पैसा ,स्टेटस या गोष्टी काही आड नाही येत …
असतील तर ते प्रेम नसतेच …
पण जेव्हा त्रिकोण किंवा चौकोन असतोना तेव्हा धोक्याचे लाल बटन जर पहिले नाही तर सर्वस्व उध्वस्त होते .
काहीही तोडणे शक्य पण विश्वास नाही.
असं हे अंतर स्वीकारून कसं करायचं असतं प्रेम?
अस प्रेम करणं शक्य आहे का?

प्रेमी किंवा दोन मित्र-मैत्रिणी एकमेकांपासून दूर गेले तरी दोघांचा संवाद एकदम बंद होतो, असं नाही.
या नात्यांना ऑन-ऑफ स्वीच असतो, पण अनेकदा त्यात कालावधी असतो.. जेवढं जवळचं नातं असतं तो कालावधी अतिशय त्रासदायक, भीतीदायक आणि मनाला हुरहूर लावणारा असतो. संवाद बंद झाला तर नात्याची पडझड सुरू होते.
प्रेम ही सुंदरभावना आहे ती♡हदयातून येते....पण, मैञी त्याहून अधिक सुंदर आहे ती हदयाला आधार देते....या प्रेमात खूप त्रास असतो प्रेम असले तरी त्रास नसले तरी त्रास -------
पण मैत्रीचा त्रास कधीच होणार नाही
नात्यातले अनेक अर्थ उलगडुन सांगते मैञी....
कधी रुसते कधी हसते तरी सदैव ह्रदयात वसते मैञी....
सारी संकटं दूर सारुन आपल हीत चिँतते ती मैञी...
आयुष्यातले नाजूक क्षण हळुवारपणे जपते मैञी..

यातील काही मुद्दे मी अर्धांगी वर चर्चा झाली तेव्हा वाचले होते.... खूप भावले होते......आणि मी सहमत सुद्धा झालो.... आपण सहमत असावेच असे अजिबात नाही.... प्रत्येकाचा विचार करण्याचा दृष्टीकोण कसा हे महत्वाचे-----

राधे__/|\__ कृष्ण